SCHLIESSEN

Suche

Siegel des Kirchenkreises Altholstein

 

 

Plattdüütsch in de Kark

He snackt Platt

De Beopdragte för Plattdüütsch in de Kark is Paster Jan-Peter Dau-Schmidt.

Wokeen in unsen Karkenkrink kann een Predigt op Platt holen? Paster Jan-Peter Dau-Schmidt schall sik üm dat Plattdüütsche in Oldholsteen ümdoon. As Beopdragte för Platt hett he een Ümfraag in de Gemeenden maakt.

Een Handvull Pasters un Pastorinnen schrifft ehr plattdüütsche Predigten sülvst. Jüst so veel leest af un to Texten, Leeder un Gebeden vun anner Schrievers vör. En poor Gemeenden laadt Plattdüütsche vun buten in, wieldat se sülvst keenen hebbt, de sik truut. Mehrst Pasters in'n Rohstand aver ok Laien.

Man, wenn Paster Dau-Schmidt an'n 2. Wiehnachtsdag eenen Goddesdeenst vullstännig mit alle Leeder op Platt fiern deit, denn is sien lütt Kark in Großenaspe meist good besöcht. De Lüüd föölt sik vun dat Plattdüütsche mehr un direkt beröhrt, markt he. Besünners bi Gräffnisse kummt dat good an.

Platt is een Spraak för jeeden Deel vun dat Leven, ni blots för Döntjes, nee, ok för Saaken mit Deepde. Dat wull Jan-Peter Dau-Schmidt de Lüüd wiesen, un dat liggt em an’t Hart. He mag to geern Platt snacken. De Beobdragte för Platt will sik darför insetten, dat mehr Minschen in’n Karkenkrink dat doot.

Wenn Se för ehr Gemeend eenen oder een söken doot, de op de Kanzel Platt spreken kann oder wenn Se dar sülvst Lust to hebbt, köönt Se Paster Dau-Schmidt anropen oder em schrieven.